Síðast uppfært: Þriðjudagur, 20. nóvember 2012 12:13

Héraðsskjalasafn Kópavogs

Héraðsskjalasafn Kópavogs var stofnað árið 2000.

Umdæmi þess er Kópavogsbær.

Upphaf Héraðsskjalasafns Kópavogs má rekja til þess að Leo J.W. Ingason var ráðinn sem skjalavörður Kópavogskaupstaðar árið 1979.

Héraðsskjalaverðir frá stofnun skjalasafnsins:
Leo J.W. Ingason 2000-2005
Hrafn Sveinbjarnarson 2006-

Starfandi sögufélag á safnsvæðinu:
Sögufélag Kópavogs, formaður Þórður Guðmundsson
Veffang: http://vogur.is/

Héraðsskjalasafn Kópavogs gefur út Ársrit Héraðsskjalasafns Kópavogs.

Ársrit Héraðsskjalasafns Kópavogs 2006-2007 Kópavogi 2008 Útgefandi: Héraðsskjalasafn Kópavogs Ritstjóri: Hrafn Sveinbjarnarson héraðsskjalavörður ISSN 1670-7885 Verð: 5000 krónur

Efni fyrsta bindis (sjá nánar efnisyfirlit þess) eru skýrslur um starfsemi og sögu Héraðsskjalasafns Kópavogs frá stofnun þess árið 2000 til ársins 2007 auk útgáfu skráa yfir opinber skjöl og einkaskjöl í vörslu skjalasafnsins.

Að auki eru í ritinu greinar um listamanninn Wilhelm Ernst Beckmann eftir Hrafn Andrés Harðarson bæjarbókavörð og Kópavog á árunum 1681-1729 eftir Gunnar Marel Hinriksson sagnfræðing en þeirri grein fylgir útgáfa á stríðshjálparskýrslu Gullbringusýslu 1681 og kvikfjártalsskýrslu Seltjarnarneshrepps 1703.

Einnig eru í ritinu útgefnar fundargerðabækur Framfarafélagsins Kópavogs 1945-1955 og skjöl úr sögu þess en félagið kom því til leiðar að Kópavogur varð sjálfstætt sveitarfélag árið 1948. Félagið var merkileg og sérstæð hreyfing í íslenskri stjórnmálasögu en bannað var skv. félagslögunum að stjórnmál væru rædd á fundum þess.

Loks eru í ritinu fróðleiks- og leiðbeiningarkaflar um skjalavörslu sveitarfélaga. Ritið er prýtt rúmlega 60 myndum og er búið myndaskrá og ýtarlegu registri.