Í dag, 12. desember, heldur Héraðsskjalasafn Kópavogs upp á tvöfalt afmæli. 11 ár eru liðin frá stofnun safnsins, en einnig eru liðin 10 ár frá formlegri opnun þess.

Á þessum tímamótum stendur safnið í stórræðum, en eins og kunnugt er er nú unnið að flutningi þess í nýtt og betra húsnæði. Þeir flutningar hafa staðið yfir frá því í sumar þegar fjargeymsla safnsins var tæmd, og halda áfram úr aðalsafninu að Hamraborg 1, 3. hæð, fram í febrúar á næsta ári. Á sama tíma er unnið að endurbótum á nýja húsnæðinu að Digranesvegi 7 en nú stendur yfir útboð á framkvæmdum við frágang þar.

GMH