Borði

Skrár yfir skjöl Héraðsskjalasafnsins á Akureyri á netinu

Heimasíða Héraðsskjalasafnsins á Akureyri fór í loftið í febrúar á þessu ári og er óhætt  að segja að henni hefur verið mjög vel tekið.

her_akur_lara_vid_vinnu

Lára Ágústa Ólafsdóttir skjalavörður við vinnu sína.

Það sem vekur kannski mesta athygli við þessa heimasíðu er það, að á henni má finna skrár yfir öll þau skjöl safnsins sem skráð hafa verið endanlegri skráningu og eru frágengin í geymslu.

Rætt hefur verið í mörg ár um það að gera skrár allra héraðsskjalasafnanna aðgengilegar á netinu og þá helst í einni samskrá en sá draumur hefur ekki enn orðið að veruleika.  Með því að birta skrárnar á þennan hátt er stigið stórt skref í áttina að þessum draumi og vonandi sjá fleiri söfn sér fært að koma sínum skrám á framfæri á þennan eða einhvern annan hátt.

Safngestir hafa nú í auknum mæli verið búnir að skoða skrárnar áður en þeir koma á safnið og eru jafnvel með skjalanúmerin tiltæk, þannig að fljótlegt er að koma til móts við þeirra þarfir.

Skrárnar hafa þeir ýmist fundið með því að fara beint inn á www.herak.is eða hreinlega með því að „gúggla“ eitthvert efni, sem hefur leitt að viðkomandi skrá, án þess að hafa haft skjalasafn í huga þegar leitin hófst.

Þá er héraðsskjalasafnið komið með Facebook síðu og við hvetjum áhugasama að vingast við síðuna.

AS

 

Umdæmi héraðsskjalasafna

Borði

Tengdu á okkur

Borði
Senda á Facebook
Borði
Félag héraðsskjalavarða á Íslandi

Heimasíður skjalasafna

Borði
Borði
Borði
Borði
Borði
Höfundarréttur © 2014 hs.bkdata.net. Öll réttindi áskilin.
Joomla! er frír hugbúnaður gefinn út með GNU/GPL leyfi.