Borði

Eins og vindurinn blæs... - dagskrá á Norræna skjaladeginum 2010

Félag héraðsskjalavarða á Íslandi verður með opið hús í Borgarskjalasafni, Grófarhúsi, Tryggvagötu 15, Reykjavík laugardaginn 13. nóvember 2010 frá kl. 13:00 til 17:00 undir kjörorðinu Eins og vindurinn blæs...

15 héraðsskjalasöfn taka þátt í opnu húsi með einum eða öðrum hætti. Boðið verður upp á áhugaverða fyrirlestra, sýningu á skjölum, ljósmyndasýningu frá héraðsskjalasöfnunum, starfsemi héraðsskjalasafnanna kynnt, kórtónleika, sögufélög kynna rit og mynddiska, barnakrókur þar sem börnin fá blöðru og litabók o.fl.

Fyrirlestar og uppákomur

  • Kl. 13:00 Í jöklanna skjóli - myndbrot um horfna lífshætti í Skaftafellssýslum.
  • Kl. 13:30 Setning sameiginlegs skjaladags héraðsskjalasafna.
  • Kl. 13:35 Söngfélag Skaftfellinga syngur nokkur lög. Kórstjóri Friðrik Vignir Stefánsson.
  • Kl. 14:00 Gunnar Hersveinn: Þjóðgildi Íslendinga.
  • Kl. 14:30 Hrafn Sveinbjarnarson: Að lífið sé skjálfandi lítið gras. Börnin úr Hvammkoti og Kópavogslækurinn.
  • Kl. 15:00 Svanhildur Bogadóttir: Einangrunin rofin. Skjalasöfn í fortíð, nútíð og framtíð.
  • Kl. 15:30 Sævar Logi Ólafsson: Loftvarnir í Reykjavík.
  • Kl. 16:00 Guðrún Nína Petersen: Fljúgandi furðuhlutir og skemmtileg ský.
  • Kl. 16:30 Ragnhildur Bragadóttir: Lán er að hann þig fái... Um ástina í póstkortum og bónorðsbréf til ungrar Reykjavíkurfrauku um aldamótin 1900.

Ljósmyndasýning - 15 héraðsskjalasöfn leggja til ljósmyndir úr söfnum sínum og daglegri starfsemi. Oft segja myndir meira en þúsund orð og á undanförnum árum hefur fjöldi ljósmynda verið afhentur héraðsskjalasöfnunum. Mikil vinna er framundan við skráningu mynda og eru gestir hvattir til að leggja okkur lið við skráninguna.

Þau söfn sem leggja til myndir eru:
  • Borgarskjalasafn Reykjavíkur
  • Héraðsskjalasafn Kópavogs
  • Héraðsskjalasafn Mosfellsbæjar
  • Héraðsskjalasafn Akraneskaupstaðar
  • Héraðsskjalasafn Borgarfjarðar
  • Héraðsskjalasafn Ísafjarðar
  • Héraðsskjalasafn Austur-Húnavatnssýslu
  • Héraðsskjalasafn Skagfirðinga
  • Héraðsskjalasafn Svarfdæla
  • Héraðsskjalasafn Akureyrar
  • Héraðsskjalasafn Austfirðinga
  • Héraðsskjalasafn Neskaupstaðar
  • Héraðsskjalasafn Austur-Skaftfellinga
  • Héraðsskjalasafn Vestmannaeyja
  • Héraðsskjalasafn Árnesinga
Skjalavarsla - góð ráð og leiðbeiningar - sérfræðingar héraðsskjalasafnanna gefa góð ráð og leiðbeiningar um skjalavörslu.

Skjalasýning - Í sýningarkössum verða skjöl frá Héraðsskjalasafni Kópavogs, Héraðsskjalasafni Mosfellsbæjar, Héraðsskjalasafni Borgarfjarðar, Héraðsskjalasafni Árnesinga og Borgarskjalasafni Reykjavíkur. Einnig verða sýnd ástarbréf úr einkaeigu.

Sögufélög - Sögufélagið, Sögufélag Borgfirðinga og Sögufélag Árnesinga kynna starfsemi sína. Skemmtilegar bækur á góðu verði.

Ættfræði - Ættfræðiþjónustan ORG verður á staðnum - ef þú vilt vita meira um afa og ömmu... .

Barnahorn - Í barnahorni gefst börnum kostur á að lita myndir og hengja upp á vegg meðan foreldrar skoða sýningar. Boðið verður upp á litabækur og blöðrur meðan birgðir endast. Tröllasögur lesnar upp fyrir þau börn sem þora.

Kaffihorn - Boðið upp á kaffi og meðlæti frá HP kökugerð og Nóa Síríus, eitthvað fyrir börnin líka.

Allir velkomnir - ókeypis aðgangur

Umdæmi héraðsskjalasafna

Borði

Tengdu á okkur

Borði
Senda á Facebook
Borði
Félag héraðsskjalavarða á Íslandi

Heimasíður skjalasafna

Borði
Borði
Borði
Borði
Borði
Höfundarréttur © 2014 hs.bkdata.net. Öll réttindi áskilin.
Joomla! er frír hugbúnaður gefinn út með GNU/GPL leyfi.