Borði

Vorsýning Héraðsskjalasafns Austfirðinga

Ný ljósmyndasýning er komin á heimasíðu Héraðsskjalasafns Austfirðinga. Nefnist sýningin einfaldlega Vorsýning. Samkvæmt venju hefur Arndís Þorvaldsdóttir haft veg og vanda af gerð sýningarinnar. Nánar má lesa um tilurð myndanna í sýningunni með því að klikka á fyrirsögn þessarar fréttar. Líkt og jafnan áður er leitað til sýningargesta eftir upplýsingum um einstaka myndir í sýningunni.

her_aust_mynd_nr. 08

Snjógöng sem þessi voru vour algeng sjón síðla vetrar á Fjarðarheiði. Bílinn átti Guðjón Sæmundsson og það eru kona hans Kittý og dóttir hans Erla sem standa við bílinn. Mynd nr. 8 á Vorsýningu Héraðsskjalasafns Austfirðinga.

Á vorsýningu ljósmyndasafnsins er víða leitað fanga. Birtar eru nokkrar myndir frá skíðamóti Austurlands sem haldið var á Fagradal í byrjun áttunda áratugar 20. aldar. Myndirnar tók Jón Ásgeir Jónsson pípulagningarmaður sem um skeið var búsettur á Egilsstöðum. Margt af því fólki sem þar sést er óþekkt og eru upplýsingar þegnar með þökkum (í síma 471 1417 eða á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. ).

Undanfarin ár hefur Sólveig Sigurðardóttir á Seyðisfirði verið óþreytandi við söfnun mynda og skannað fjölda þeirra inn á diska. Við birtum hér myndir úr einkasöfnum þriggja Seyðfirðinga sem Sólveig hefur skannað. Um er að ræða söfn úr fórum Guðjóns Sæmundssonar, Pálínu Waage og Vilbergs Sveinbjörnssonar. Í nokkrum tilvikum voru myndirnar til bæði í safni Pálínu og Guðjóns og því erfitt að úrskurða hvaðan þær komu í upphafi. Úr þessum söfnum hafa m.a. verið valdar myndir sem sýna þá samgönguerfiðleika sem menn áttu við að etja á Fjarðarheiði fyrir fáeinum áratugum. Einnig eru myndir frá mannlífi á Seyðisfirði í leik og starfi. Þá drögum við fram nokkrar fjölskyldu- og fermingarmyndir á ýmsum tíma.

HL

Umdæmi héraðsskjalasafna

Borði

Tengdu á okkur

Borði
Senda á Facebook
Borði
Félag héraðsskjalavarða á Íslandi

Heimasíður skjalasafna

Borði
Borði
Borði
Borði
Borði
Höfundarréttur © 2014 hs.bkdata.net. Öll réttindi áskilin.
Joomla! er frír hugbúnaður gefinn út með GNU/GPL leyfi.